سیالکوٹ/ قصور /فیروزوالہ/ مریدکے/ شیخوپورہ/سیدوالا(نامہ نگاران) بااثر ملزم نے شادی کا جھانسہ دیکر 20 سالہ لڑکی کو زیادتی کا نشانہ بناکر تیزاب پلا دیا۔ لڑکی کو تشویشناک حالت میں ہسپتال منتقل کر دیا گیا۔ تھانہ ائیر پورٹ کے علاقہ کلو وال کی 20 سالہ لڑکی کو کوٹلی لوہاراں کے رہائشی بااثر لڑکے نے شادی کا جھانسہ دیکر زیادتی کا نشانہ بنا ڈالا اور بعد میں لڑکی کو شربت کے بہانے زبردستی تیزاب پلا دیا جس کی وجہ سے لڑکی کی حالت بگڑ گئی جسے تشویشناک حالت میں گورنمنٹ علامہ اقبال میموریل ہسپتال میں داخل کروا دیا گیا۔ قصور میں رینالہ خورد کی نصرت بی بی کی بیٹی اپنی خالہ کے پاس پتوکی آئی ہوئی تھی کہ ملزم عرفان اسکو ورغلا پھسلا کر لے گیا اور زبردستی زیادتی کا نشانہ بنادیا۔ جی ٹی روڈ کی آبادی راوی ریان میں اوباش شان عرف شانی نے کمسن بچے حسن علی کو زیادتی کا نشانہ بنا دیا۔ سید والا میں نامعلوم اوباش نے گونگے بہرے 10 سالہ بچے کو زیادتی کا نشانہ بناڈالا۔ نواحی گاﺅں احاطہ چھیڑک کے امام مسجد بشارت کا بیٹا عثمان گھر سے باہر کھیل رہا تھا کہ نامعلوم شخص نے زیادتی کر ڈالی۔
زیادتی