رائے ونڈ (نامہ نگار) چیئرمین انٹرنیشنل امن کونسل لاہورڈویژن اشعر نیازی نے کہاکہ برصغیر میںاسلام صوفیاء کرام و اولیاء کرام کے کردار و تعلیمات سے پھیلا ہے،اولیاء کرام کے مزارات رشدوہدایت کے سرچشمے ہیں ،حکومت مزارات اولیاء کی فل پروف سیکورٹی کا انتظام کرنے میں وسائل بروئے کار لائے اور مزارات ، مساجد، تعلیمی ادارے، عوامی مقامات کی سکیورٹی کو یقینی بنائے ۔اپنے بیان میں انہوں نے مزید کہا کہ حکومت عوام کے جان و مال کے تحفظ میں بری طرح ناکام ہو گئی۔ حکومت ملک میں امن قائم کرنے کے لئے قومی ایکشن پلان پر عملدرآمد یقینی بنائے۔