گوجرانوالہ (نمائندہ خصوصی) ولیمے کا کھانا پکانے پر ہونےوالے جھگڑے کے دوران ہمسائے نے ساتھیوں سمیت ڈنڈوں سوٹوں سے حملہ کر کے دولہا کی دو بہنوں سمیت پانچ افراد کو زخمی کردیا۔ رانا کالونی کے رہائشی نعیم کی گزشتہ روز شادی ہوئی تھی جس کی دعوت ولیمہ پرمہمانوں کیلئے خالی جگہ پر کھانا پکایا جا رہا تھا جس کا دھواں ہمسائے کے گھر مےں جانے پر دولہے کے ہمسائے عامر نے دیگیں دیوار کے ساتھ پکانے سے منع کیا تو دولہے کے بھائی عظیم کی عامر کے ساتھ تلخ کلامی ہوگئی جس پر عامر نے اپنے ساتھیوں کے ہمراہ ڈنڈوں سوٹوں سے حملہ کر دیا جس کے نتیجے میں دولہے نعیم کی بہنیں صوبیہ، بشریٰ، بھائی عظیم، وسیم سمیت5 افراد زخمی ہو گئے۔ محلے داروں نے بیچ بچا کراتے ہوئے زخمیوں کو ڈسٹرکٹ ہسپتال منتقل کےا۔
ولیمہ کھانا جھگڑا