2خواتین، کمسن بچے سمیت 4 افراد سے زیادتی
قلعہ دیدار سنگھ + پاک پتن+ سیالکوٹ (نامہ نگاران) اوباشوں نے 2 خواتین اور کم سن بچے سمیت 4 افراد کو زیادتی کا نشانہ بنادیا۔ قلعہ دیدار سنگھ سے نامہ نگار کے مطابق تھانہ لدھیوالہ وڑائچ کے علاقہ منڈیالہ میر شکاراں میں طیب اور احد نے زاہد کے پانچ سالہ بیٹے شباب کو اغوا کرکے کھیتوں میں لے جا کر زیادتی کا نشانہ بنا دیا۔ سیالکوٹ سے نامہ نگار کے مطابق کے علاقہ نیا میانہ پورہ کے رہائشی کرامت کے چودہ سالہ بیٹے حامد سے حیدر، وقاص اور تنویر نے زیادتی کر ڈالی۔ پاک پتن سے نامہ نگار کے مطابق گائوں کلالی کے رہائشی شہباز کی ہمشیرہ (ر) بی بی گھر میں اکیلی تھی کہ اکرم اپنے ساتھی کے ہمراہ گھر میں گھس گیا جس نے خاتون کو زیادتی کا نشانہ بنا ڈالا۔ دریں اثنا بشریٰ بی بی اپنے ماموں کے گھر جارہی تھی کہ گائوں بیلی دلاور کے قریب پہنچی تو اسد جاوید نے خاتون کو قریبی فصل میں لے جاکر ملزم اسد نے خاتون کو زیادتی کا نشانہ بنا ڈالا۔ پولیس نے مقدمات درج کر لئے۔
