اسلام آباد (نوائے وقت نیوز) اسلام آباد ہائیکورٹ نے چیئرمین نادرا عثمان یوسف مبین کے وارنٹ گرفتاری جاری کرتے ہوئے 3 مارچ کو عدالت پیش کرنے کا حکم دیدیا ہے۔ جسٹس نورالحق قریشی نے چیئرمین نادرا کے وارنٹ گرفتاری 2010ءکے عدالتی فیصلے پر عملدرآمد نہ ہونے پر جاری کئے۔ عدالت نے ایف آئی اے اور پولیس کو ریونیو ریکارڈ کیلئے بائیو میٹرک سسٹم تک رسائی کا فیصلہ دیا تھا جس پر نادرا نے فیصلے پر عملدرآمد نہیں کیا۔ 2016ءمیں توہین عدالت کی درخواست دائر کی گئی تھی، عدالت نے پولیس کو چیئرمین نادرا کو 3 مارچ تک عدالت میں پیش کرنے کا حکم جاری کر دیا ہے۔ وارنٹ گرفتاری جاری ہونے کے بعد چیئرمین نادرا عدالت میں پیش ہو گئے اور عدالتی احکامات پر عملدرآمد رپورٹ جمع کرا دی اور توہین عدالت نوٹس پر غیرمشروط معافی مانگ لی جس پر عدالت نے ان کے وارنٹ گرفتاری واپس لے لئے۔
چیئرمین نادرا