لاہور (کلچرل رپورٹر) ڈرامہ نگارسورج باباکی بطور مصنف وہدایتکارپہلی فلم ”ادھورا“کی پوسٹ پروڈکشن مکمل ہوگئی۔ بتایاگیاہے کہ فلم کوآئندہ چندماہ میں نمائش کےلئے پیش کیاجائے گا۔سورج بابانے بتایاکہ ریلیزکےلئے کراچی کے بڑے تقسیم ادارے سے معاہدہ ہوچکاہے ۔فلم کی تمام شوٹنگ اسلام آبادمیںکی گئی ہے جس میں نئے ٹیلنٹ کوکاسٹ کیاگیاتھا۔فلم کے اداکار، گلوکار، نغمہ نگار اور موسیقار پہلی بار اپنی صلاحیتوں کا مظاہرہ کررہے ہیں۔نغمات کی دھنیں احسن ناصرنے ترتیب دی ہیں۔نغمات گلوکارسانول اورفرازکی آواز میں ریکارڈ کیے گئے۔ اداکاروں میں حماد افتخار، مدثر جمشیداوراداکارہ زین خان نے اپنے فن کامظاہرہ کیاہے ۔

ہدایتکارکاکہناتھاکہ فلم کی پوسٹ پروڈکشن مکمل ہونے کے بعد اس کی پروموشن کےلئے لاہور،کراچی ،اسلام آباداوردیگرشہروںمیںتقریبات ہونگی۔