لاہور(نمائندہ سپورٹس ) پاکستان سپر لیگ کا فائنل کھیلنے کیلئے کوئٹہ گلیڈی ایٹر کی ٹیم کے مزید5کھلاڑی کراچی سے لاہو رپہنچ گئے ،کھلاڑیوں کو سخت سکیورٹی حصار میں اےئرپورٹ سے ہوٹل پہنچایاگیا۔ کھلاڑیوںمیں کپتان سرفراز احمد، اسد شفیق، حسان خان، نور ولی اور میر حمزہ شامل ہیں ۔ کھلاڑی آج پریکٹس کریںگے۔کوچ معین خان اور منیجر بھی ٹیم کے ہمرا لاہور پہنچے ہیں۔لاہو رایئرپورٹ پر میڈیا سے گفتگو کرتے ہوئے کوئٹہ گلیڈی ایٹر ٹیم کے کپتان سرفرازاحمد نے کہاکہ ہم اچھا کھیل پیش کر کے پی ایس ایل کے فائنل میں پہنچے ہیں اور فائنل سے قبل ہمیں جو ایک دن ملا ہے اس میں بھرپور پریکٹس کریں گے اور انشاء للہ فائنل کے روز بھی اچھا کھیل پیش کرکے ٹائٹل اپنے نام کریں گے۔ دبئی اور لاہور کا موسم ایک جیسا ہے اورکنڈیشنز بھی ایک ہی طرح کی ہیں اوراس لئے ہماری ٹیم کو یہاں کھیلنے میں کوئی مسئلہ نہیں ہوگا۔ ہمارے لئے کرکٹ بہت اہم ہے اور کرکٹ پاکستان کی جان ہے اس لئے میں زندہ دلان لاہور سے اپیل کرتا ہوں کہ پی ایس ایل کا فائنل دیکھنے کیلئے سٹیڈیم ضرور آئیں اور دونوں ٹیموں کے درمیان ہونے والے میچ کو بھرپور انجوائے کریں۔ویوین رچرڈز اور جولیان فاو¿نٹین فائنل کے لیے آرہے ہیں، فاو¿نٹین پہلے بھی پاکستانی ٹیم کے ساتھ رہ چکے ہیں تو وہ بالکل آرہے ہیں۔رچرڈزکی موجودگی سے کھلاڑیوں کو حوصلہ ملتا ہے جس سے پوری ٹیم کا فائدہ ہو گا۔ ہمارے جو کھلاڑی نہیں آرہے ہیں ان کے متبادل کے طور پر کھلاڑیوں کو چن لیا ہے جو آج شام تک پہنچ جائیں گے اور ہماری کوشش ہوگی کہ ایک اچھی ٹیم کو میدان میں اتاریں۔لاہور میں پی ایس ایل فائنل کے حوالے سے ان کا کہنا تھا کہ یہ نیک شگون ہے۔ کوچ معین خان نے پر کہا کہ کوچ کی حیثیت سے فائنل میں پہنچنا بڑی کامیابی ہے ۔ایک ایسی ٹیم جس کو گزشتہ سال کمزور کہا گیا تھا جو دونوں سال فائنل میں پہنچی ہے۔انھوں نے امید ظاہر کرتے ہوئے کہا کہ اس سال جیت پائیں گے کیونکہ ٹیم اچھی ہے تاہم چند کھلاڑیوں کے نہ آنے سے ٹیم کا کمبی نیشن خراب ہوا ہے۔کچھ کھلاڑیوں کے افسوسناک بیانات آرہے ہیں۔ تمام ملک کو اور کرکٹرز کو متحد ہونا چاہیے گوکہ ہمارے اپنے کرکٹرز نے مخالفت کی ہے جو میری نظر میں غلط ہے۔اور اس وقت کوئی سیاسی یا ذاتی ایجنڈا نہیں ہونا چاہیے۔فائنل کے لیے منتخب غیرمعروف بیرونی کھلاڑیوں کے حوالے سے ان کا کہنا تھا کہ میچ کھیلنا اہم اس لیے غیرمعروف ہونا ثانوی چیز ہوتی ہیے کیونکہ وہ بھی کرکٹ کھیل رہے ہیں اس لیے ان کے لیے بھی اچھی کارکردگی دکھانے کا بہترین موقع ہے۔ ایسے وقت میں تمام لوگ قومی یکجہتی کا مظاہر ہ کریں اور پی ایس ایل کے حوالے سے کوئی بھی غیر سنجیدہ بیان دینے سے گریز کریں۔