تہران (آئی این پی) ایرانی میڈیا نے پاکستان کی میزبانی میں ہونے والے اقتصادی تعاون تنظیم (ایکو) کے حالیہ سربراہی اجلاس کے کامیاب انعقاد اور انتظامات کو سراہتے ہوئے کہا ہے کہ اجلا س بہت پرامن اور خوشگوار ماحول میں منعقد ہوا۔ کانفرنس کے تمام شرکاء انتظامات سے خوش تھے۔ ایرانی خبررساں ادارے ’’ارنا ‘‘ کے مطابق پاکستان کی میزبانی میں اقتصادی تعاون تنظیم کا حالیہ اجلاس کامیاب رہا ہے۔ اجلا س بہت پرامن اور خوشگوار ماحول میں منعقد ہوا، کانفرنس کے تمام شرکاء انتظامات سے خوش تھے۔ایرانی صدر حسن روحانی نے بھی اپنے خطاب میں پاکستان کی مہمان نوازی کی تعریف کی۔ وفود کی آمد سے روانگی تک سب کچھ بہت اچھی طرح اور منظم طریقے سے منعقد کیا گیا۔ کانفرنس میں شریک وفود سیکورٹی فورسز کے دوستانہ رویے سے خوش تھے۔ کانفرنس کی وسیع پیمانے پر مقامی اور غیر ملکی ذرائع ابلاغ نے کوریج کی ۔چند روز قبل پیش آنے والے سیکورٹی مسائل کے باوجود کانفرنس کے موقع پر سیکورٹی کے فول پروف انتظامات کیے گئے تھے اور پوری کانفرنس بہت محفوظ اور دوستانہ ماحول میں ہوئی ۔ ا ی سی او کے سربراہی اجلاس میں اعلی سطحی وفود کی شرکت سے ظاہر ہوتا ہے کہ پاکستان علاقائی اور بین الاقومی سطح پر اعلی سطحٰی اجلاسوں کیلئے ایک بڑامیزبان ہے۔