فلوریڈا( آن لائن ) امریکی ریاست فلوریڈا کے جنگلات میں لگنے والی آگ قابو سے باہر ہوکر رہائشی علاقے تک پہنچ گئی ہے۔مقامی فائر بریگیڈ کا عملہ آگ بجھانے کیلئے مسلسل کوششوں میں مصروف ہے، آگ نے پچاس ایکٹر سے زیادہ رقبے کونقصان پہنچایا جس کے بعد اب یہ قریبی رہائشی علاقوں تک پہنچ رہی ہے۔ تیز ہوا کے باعث آگ پر قابو پانے میں مشکلات کا سامنا ہے۔ جانی نقصان سے بچنے کے لئے متاثرہ رہائشی علاقے خالی کروا تمام راستے بند کر دئیے گئے ہیں۔