لاہور(سپورٹس رپورٹر) پاکستان ہاکی فیڈریشن نے سلیکشن کمیٹی کی سفارش پر دورہ نیوزی لینڈ اور آسٹریلیا کے لیے قومی جونیئر ٹیم کے کھلاڑیوں کا اعلان کر دیا ہے۔ مختصر بریک کے بعد تربیتی کیمپ کا 9 مارچ سے دوبارہ عبدالستار ایدھی ہاکی سٹیڈیم کراچی میں ہوگا۔ اعلان کردہ کھلاڑیوں میں وقار یونس اور اکمل حسین گول کیپرز، امجد علی خان، رضوان علی اور علی رضا فل بیکس، معین شکیل (نائب کپتان)، عدیل لطییف، جنید منظور (کپتان) ہاف بیکس، خیر اﷲ، اویس ارشد، علی عزیز، غضنفر علی، احمد ندیم، حماد انجم، وقار علی، نوید عالم، عمیر ستار، ذاکر اﷲ، افراز، شاہ زیب خان اور عبداﷲ بابر فاروڈز میں شامل ہیں۔
پی ایچ ایف نے سات ریزرو کھلاڑیوں کے ناموں کا بھی اعلان کیا ہے جن میں عادل راو، ابراہیم خان، محب اﷲ، آصف حنیف، امجد رحمان، ذوالقرنین اور زین اعجاز شامل ہیں۔