ملتان (این این آئی)ملتان میں 2 موٹر سائیکل سوار افراد نے فائرنگ کر کے نوجوان لڑکی کو قتل کر دیا ہے۔ میڈیا رپورٹ کے مطابق ملتان کے علاقے القریش کالونی فیز تھری میں فوزیہ شہزادی نامی بیس سالہ لڑکی کو دو موٹرسائیکل سواروں نے گن پوائنٹ پر روکا اور اس پرفائرنگ کردی جس کے نتیجے میں فوزیہ موقع پرہی جاں بحق ہوگئی، واردات کے بعد موٹرسائیکل سوار موقع سے فرار ہونے میں کامیاب ہوگئے۔ واقعہ کی اطلاع ملنے پر پولیس تھانہ مظفرآباد موقع پر پہنچی اور مقتولہ کی لاش کوپوسٹ مارٹم کیلئے منتقل کرتے ہوئے مقدمہ درج کرلیا۔ پولیس کے مطابق ملزمان کی شناخت صادق اور طاہر کے نام سے ہوئی ہے ملزم صادق مقتولہ سے مبینہ طورپر دوستی کرنا چاہتا تھا انکار پر اس نے فوزیہ کو گولیاں مارکر ابدی نیند سلادیا۔ پولیس نے دونوں ملزمان کی تلاش شروع کردی ہیں۔