لاہور (نمائندہ سپورٹس+ سپورٹس رپورٹر) ویسٹ انڈین کھلاڑی ڈیرن سیمی پاکستان سْپر لیگ 2017 کے سْپر سٹار ہیں۔پی ایس ایل 2017 کی ٹرافی اپنے نام کرانے والی پشاور زلمی کے کپتان ڈیرن سیمی صرف اس جیت کے باعث ہی عوام کی توجہ کا مرکز نہیں بنے بلکہ ان کی اس مقبولیت کے بیچھے کئی اور وجوہات شامل ہیں۔ ڈیرن سیمی نے صرف کرکٹ ہی نہیں مداحوں کے دل جیتنے کا طریقہ بھی سمجھایا‘انہوں نے اردو بولنے کی کوشش کی ‘بوم بوم شاہد آفریدی کی بیٹیوں کے ہمراہ یہ تصویر یاد گار بن گئی ‘ شاہد آفریدی کی سالگرہ دھوم دھام سے منائی ‘میچ کے دوران مداح کے ساتھ فیلڈ پر سیلفی لی ‘نہایت مشکل کیچ پکڑنے کے بعد کامیابی کا جشن منایا‘جیت کے بعد سب کے سر منڈوانے کی شرط لگائی‘ گراؤنڈ کے عملے کے ساتھ تصاویر بنوائی ۔ ان تمام واقعات نے پورے پاکستان کا دل جیت لیا۔ ڈیرن سیمی نے ٹنڈ کروالی اور کہا کہ باقی کھلاڑی بھی وعدہ کے مطابق ٹنڈ کروائیں۔