فیصل آباد، جھنگ (نمائندہ خصوصی، نامہ نگار) مختلف واقعات میں دو خواتین اور لڑکے کو زیادتی کا نشانہ بنا دیا گیا۔ فیصل آباد سے نمائندہ خصوصی کے مطابق جھنگ بازار کے علاقہ فوجی چوک میں مہوش کو اس کے بہنوئی عمران نے ہوس کا نشانہ بنا دیا۔ تاندلیانوالہ کے چک 430 گ۔ب کی رہائشی صبا پروین کو تین افراد نے اغوا کر کے شیخوپورہ منتقل کیا جہاں ملزم اورنگزیب نے اسے زبردستی زیادتی کر ڈالی۔چک نمبر233میں مظہر کو نعیم نے زیادتی کا نشانہ بنایا۔ علاوہ ازیں بہاولپور میں خاتون کے ساتھ زیادتی کرنے والے سب انسپکٹر اشفاق ترین کے خلاف مقدمہ درج کر کے حوالات میں بندکردیا گیا، آرپی او بہاول پور نے خاتون سے مبینہ طور پر زیادتی کرنے والے سب انسپکٹر اشفاق ترین کومعطل کرکے گرفتارکرنے کے احکامات جاری کئے تھے۔