ساہیوال (نامہ نگار) قصبہ نور شاہ میں مہندی کی رسم میں فائرنگ سے پانچویں جماعت کا طالب علم رضوان جاں بحق ہوگیا۔ مقامی شہری ظہور احمد کے گھر رسم مہندی کی تقریب رات گئے ہو رہی تھی کہ اس دوران دولہا کے دو ستوں نے آتشی اسلحہ سے بازار کے چوک میں آکر فائرنگ شروع کردی جس کے نتیجے میں پانچویں جماعت کے طالب علم رضوان کے سر میں گولی لگی جسے بیہوشی کی حالت میں سول ہسپتال ساہیوال لایا جا رہا تھا کہ اس نے راستہ میں ہی دم توڑ دیا۔ پولیس تھانہ نور شاہ نے مقدمہ درج کرکے دو بھائیوں وقار قصاب، نعیم قصاب اور عابد کو گرفتار کرلیا۔
مہندی/ فائرنگ