راولپنڈی اور بہاولپور کے کور کمانڈرز کی لیفٹیننٹ خاور شہاب شہید کی قبر پر حاضری، اہل خانہ سے ملاقات
راولپنڈی (این این آئی) کور کمانڈر راولپنڈی لیفٹیننٹ جنرل ندیم رضا اور کورکمانڈر بہاولپور لیفٹیننٹ جنرل شیر افگن نے کھوئی رٹہ میں لیفٹیننٹ خاور شہاب شہید کی قبر پر پھولوں کی چادر چڑھائی، دونوں آرمی افسران نے بعدازاں شہید کے اہل خانہ سے ملاقات کی اور ان کی عظیم قربانی پر خراج عقیدت پیش کیا جنہوں نے ایف آربنوں میں دہشت گردوں کا مقابلہ کرتے ہوئے جام شہادت نوش کیا۔ آئی ایس پی آر کے مطابق کور کمانڈر راولپنڈی نے شہید لیفٹیننٹ خاور شہاب کی دوران تربیت بہادری اور جراتمندی کا ذکر کرتے ہوئے کہا کہ شہید نے کیڈٹ شپ کے دوران باکسنگ میں گولڈ میڈل حاصل کر کے امتیازی حیثیت حاصل کی۔
