کراچی (نیٹ نیوز) کراچی میں پولیس نے گوشت کی 34 دکانیں لوٹنے والے 3 ڈاکوؤں کو گرفتار کرلیا۔ حکام نے بتایا کہ سی سی ٹی وی ویڈیوز کی مدد سے گرفتار کئے گئے ملزموں نے اعتراف جرم کرلیا۔ ڈاکو گوشت کی دکانوں میں کیش کاؤنٹر کا صفایا کرنے کے بعد من پسند گوشت بھی لے جاتے تھے ملزموں نے گوشت کی کئی دکانیں ایک سے زائد بار لوٹیں۔ ایس ایس پی ایسٹ فیصل عبداللہ نے بتایا ملزم ڈاکے ڈالنے سے قبل کی وارداتیں قصائی کا کام کرتے تھے اور نقد رقم کے ساتھ گوشت لوٹنے کی ایک وجہ بھی یہی تھی۔ ملزموں نے بتایا کہ وہ واردات کی کامیابی کا جشن مناتے تھے وہ لوٹا ہوا گوشت پکا کر کھاتے تھے، کچھ گھروں میں دیدیتے تھے سب کے حصے میں 1500 سے 2000 روپے آتے تھے۔