کراچی (صباح نیوز + بیورو رپورٹ) وزیراعظم میاں محمد نواز شریف آج منگل کو دوپہر 12 بجے کراچی پہنچیں گے، وزیراعلیٰ اور گورنر سندھ اولڈ ٹرمینل پر وزیراعظم کا استقبال کریں گے۔ وزیراعظم نجی ہوٹل میں منعقدہ تقریب میں بھی شرکت کریں گے۔ گورنر ہائوس میں تاجروں سے ملاقات کے بعد عشائیہ میں شرکت بھی کریں گے۔ مسلم لیگ ن کے سندھ سے تعلق رکھنے والے رہنمائوں سے ملاقاتیں بھی کریں گے۔ دریں اثناء وزیراعظم میاں محمد نواز شریف 15 مارچ کو دو روزہ دورے پر گوادر پہنچ رہے ہیں۔ جہاں پر وہ جلسہ عام سے خطاب کریں گے اور مختلف وفود سے ملاقاتیں کریں گے۔ وزیراعظم گوادر پورٹ کا بھی معائنہ کریں گے۔ وزیراعظم کے دورہ گوادر کے موقع پر سکیورٹی کے سخت حفاظتی اقدامات کئے گئے ہیں۔