رضا ربانی سے کرغیز سپیکر کی ملاقات‘ دوستی گروپس تشکیل دینے پر اتفاق
اسلام آباد (آئی این پی) چیئرمین سینٹ میاں رضاربانی اور کرغیزستان پارلیمنٹ کے سپیکر چینیبائے اے ترسن بیکوف میںپارلیمانی روابط کو فروغ دینے کیلئے پارلیمانی سطح پر دوستی گروپس تشکیل دینے پر اتفاق ہوگیا، یہ اتفاق رائے اسلام آباد میں ایشیائی پارلیمان کے قیام کی خصوصی کمیٹی کے اجلاس پر سائیڈ لائنز پر ملاقات میں ہوا بیان کے مطابق دونوں رہنماؤں نے پارلیمانی روابط کو مزید فروغ دینے اور اقتصادی تعاون کیلئے نئی راہیں ہموار کرنے پر اتفاق کیا۔ چیئرمین سینٹ نے کہا پارلیمانی سفارتکاری سماجی و اقتصادی تعلقات کو فروغ دینے کیلئے بہتر کردار ادا کرسکتی ہے۔
