حیدر آباد (نوائے وقت رپورٹ) حیدرآباد میں ایم بی بی ایس کی طالبہ پراسرار طور پر لاپتہ ہو گئی۔ ایس ایس پی کے مطابق طالبہ پچھلے ماہ قبل بس کے ذریعے لاہور گئی اور پھر لاپتہ ہو گئی۔ طالبہ نے مبینہ پیغام میں کہا ہے کہ خلافت کی زمین پر پہنچ گئی ہوں مجھے مت ڈھونڈیں۔ امید کرتی ہوں آپ لوگ بھی ضرور ہجرت کریں گے۔ طالبہ نورین لیاقت یونیورسٹی میں سیکنڈ ائر میں زیر تعلیم تھی نورین جبار دس فروری کو لاپتہ ہوئی والد عبدالجبار کا کہنا ہے کہ بیٹی معمول کے مطابق یونیورسٹی گئی تھی۔ اسواہ جتوئی کے نام سے بھائی کو فیس بک اکا¶نٹ پر میسج کیا تھانہ حسین آباد میں مقدمہ درج کر لیا گیا ہے ایس ایس پی عرفان بلوچ کا کہنا ہے کہ طالبہ خود کہیں چلی گئی ہے یا کالعدم تنظیموں سے رابطے ہیں تو کیا کریں‘ لڑکی کالعدم تنظیموں سے رابطے میں تھی فیس بک نے لڑکی کا اکا¶نٹ بلاک کیا ہوا تھا۔ لڑکی کے ورثا کچھ بتانے کو تیار نہیں۔ نیٹ ورک کا جلد پتہ لگا لیں گے۔ لڑکی کی سہیلیوں سے معلومات ملی ہیں مقدمہ کی تفتیش شروع کر دی ہے۔
طالبہ لاپتہ