لاہور (سپورٹس رپورٹر+ نمائندہ سپورٹس) پنجاب لان ٹینس ایسوسی ایشن کے زیراہتمام جاری جونیئر نیشنل ٹینس چیمپئن شپ کے پہلے روز انڈر 18، انڈر 16، انڈر 14، انڈر 12 کے پہلے رائونڈ کے میچز مکمل ہوئے۔ انڈر 18 بوائز کے پری کوارٹرفائنل مرحلے میں یوسف خان،احسان علی، عاقب عمر، نذر حسین، موسیٰ ہارون، حافظ ارباب علی، حسیب عمران جبکہ ثاقب عمر نے کوارٹرفائنلز کیلئے کوالیفائی کرلیا۔ انڈر 16 کے پری کوارٹرفائنلز میں احمد کامل، محمد سید، صمد اریجو جبکہ شمزہ طاہر نے کوارٹرفائنل کیلئے کوالیفائی کیا۔ انڈر 14 پری کوارٹرفائنل میں صمد اریجو، حسن علی، عبدالحنان خان نے کوارٹرفائنل میں کوالیفائی کیا۔ انڈر 12 پری کوارٹرفائنل میں شعیل طاہر ، احمد نائل، ماہا سید، حسن علی جبکہ بلال عاصم نے کوارٹرفائنلز کیلئے کوالیفائی کرلیا۔