پی آئی اے کا کارنامہ، بکنگ 150 مسافروں کی، جہاز 70 سیٹر سکھر ائرپورٹ پر 42 مسافر رہ گئے، احتجاج، کارروائی کا مطالبہ
سکھر (بیورو رپورٹ) پی آئی اے کا کارنامہ ایئر بس کی جگہ کراچی سے سکھر‘ سکھر سے اسلام آباد کیلئے70 سیٹر جہاز بھیج دیا۔ پی کے390 جو150 مسافروں کو سکھر سے اسلام آباد کیلئے لے جانا تھا مگر پی آئی اے نے70 مسافروں کی گنجائش والا جہاز سکھر بھیج دیا۔ 42 مسافر سکھر ایئر پورٹ پر ہی رہ گئے۔ مسافروں نے ایئر پورٹ پر احتجاج بھی کیا۔ ایئر پورٹ ذرائع کے مطابق 150مسافروں کی بکنگ پہلے سے کروائی گئی تھی احتجاج کرنے والے مسافروں کا کہنا تھا کہ پی آئی اے مسافروں کو تنگ کرنے پر تلی ہوئی ہے۔ انہوں نے نوٹس لینے کا بھی مطالبہ کیا۔
