میانوالی (نامہ نگار) مخالفین کی فائرنگ سے نوجوان زخمی، بیٹے کو خون میں لت پت دیکھ کر ماں دم توڑ گئی۔ ابا خیل کا سکونتی سردار عبدالمجید اپنے بھائی وقاص احمد چچازاد محمد اقبال ، والد مہر خان والدہ سردارں بی بی کے ساتھ گھر کے پاس پلاٹ میں کام کاج کے سلسلہ میں موجود تھا اچانک مسلح عارف نے موٹر سائیکل پر محمد فیاض کے ساتھ للکارتے ہوئے اس پر فائرنگ کردی، عبدالمجید شدید زخمی ہوکر گر پڑا بیٹے پر فائرنگ کے خوف اور اسے خون میں لت پت دیکھ کر سرداراں بی بی بے ہوش ہوکر گر پڑی ، ریسکیو1122کی مدد سے ڈسٹرکٹ ہسپتال منتقل کیا جا رہا تھا راستہ میں دم توڑ گئی، زخمی کے والد مدعی مہر خان کے بیان کے مطابق اس کی بہونادیہ بی بی نے جو رشتہ میں ملزمان کی چچا زاد بہن لگتی ہے گھر والوںکی رضامندی کے بغیر میرے بیٹے سردار عبدالمجید سے عدالتی نکاح پڑھوالیا تھا جس رنجش پر ملزمان نے اس کے بیٹے پر قاتلانہ حملہ کردیا۔