وزیراعظم 23 مارچ کو اسلام آباد ایکسپریس وے کا افتتاح کرینگے
اسلام آباد (آئی این پی) وزیراعظم نواز شریف 23 مارچ کو اسلام آباد ایکسپریس وے سگنل فری منصوبے کے تحت کورال انٹرچینج کا افتتاح کریں گے جبکہ ایکسپریس وے پر کورال سے پی ڈبلیو ڈی چوک تک روڈ کی تعمیر نو کے منصوبے پر کام کا افتتاح آئندہ دو ماہ کے دوران ہوگا۔ میئر اسلام آباد شیخ انصر عزیز نے آئی این پی سے گفتگو کرتے ہوئے بتایا کہ وزیراعظم نواز شریف اور موجودہ حکومت کی ترجیحات کے پیشِ نظر اور اسلام آباد کی تعمیر و ترقی میں خصوصی دلچسپی کے باعث اسلام آباد ایکسپریس وے سگنل فری کوریڈور جیسا میگا پراجیکٹ ممکن ہوا ہے۔
