کراچی: پرتشدد واقعات میں 2 افراد ہلاک، 4 افغان باشندوں سمیت 15 گرفتار
کراچی (کرائم رپورٹر) کراچی کے مختلف علاقوں میں تشدد اور فائرنگ کے واقعات میں دو افراد ہلاک ہو گئے۔ تفصیلات کے مطابق بن قاسم کے علاقے مری گوٹھ میں نامعلوم افراد نے ایک شخص 42 سالہ محراب کو فائرنگ کر کے ہلاک کر دیا۔ جبکہ بلدیہ کے علاقے رشید آباد میں مکان سے ایک شخص کی نعش ملی جسے تشدد کے بعد تیز دھار آلے سے گلا کاٹ کر ہلاک کیا گیا تھا۔ پولیس کے مطابق مقتول کی شناخت 65 سالہ صاحب شاہ کے نام سے ہوئی۔ علاوہ ازیں پولیس نے مختلف علاقوں میں کارروائیاں کرتے ہوئے 4 افغان باشندوں سمیت 15 ملزموں کو گرفتار کر لیا۔
