لاہور+ شیخوپورہ (نامہ نگاران) گلے پر ڈور پھرنے سے موٹر سائیکل سوار شخص زخمی ہو گیا ہے۔ بتایا جاتا ہے کہ ہربنس پورہ کے علاقہ میں مقامی رہائشی 40سالہ ذوالفقار موٹر سائیکل پر جا رہا تھا کہ اس دوران اچانک اس کے گلے میں کٹی پتنگ کی ڈور پھر گئی۔ جس سے ذوالفقار زخمی ہو کر سڑک پر گر گیا۔ جسے طبی امداد کیلئے سروسز ہسپتال منتقل کر دیا گیا جہاں اس کی حالت تشویشناک بتائی جاتی ہے۔ شیخوپورہ سے نامہ نگارخصوصی کے مطابق تھانہ فیکٹری ایریا پولیس نے گارڈن ٹائون میں چھاپہ مار کر ایک نوجوان شاہ زیب کو پتنگ بازی کرتے ہوئے پکڑ لیا اور اس کیخلاف کائٹ فلائنگ ایکٹ کے تحت مقدمہ درج کرلیا ہے ۔