بلاول پنجاب کے تمام ڈویژنز میں جلسے کرینگے، پہلا اجتماع 4 اپریل کو بھٹو کی برسی پر راولپنڈی پھانسی گھاٹ پر ہو گا: کائرہ
لاہور (خبر نگار) چیئرمین پیپلز پارٹی بلاول بھٹو کے پنجاب میں جلسوں کا اعلان کردیا گیا ہے۔ بلاول پنجاب کے تمام ڈویژنز میں جلسوں سے خطاب کریں گے۔ پنجاب کے صدر قمر زمان کائرہ کے مطابق پہلا اجتماع سابق وزیراعظم پاکستان ذوالفقار علی بھٹو شہید کی 4؍اپریل کو برسی کے موقع پر راولپنڈی پھانسی گھاٹ پر ہوگا۔ صوبہ بھر کے کارکن وہاں جمع ہوکر شہید بھٹو کی یادوں کو تازہ کریں گے ۔ یہ باتیں انہوں نے راولپنڈی کے عہدیداروں سے خطاب میں کہیں۔ بھٹو کی چار اپریل کو برسی پر دیگر صوبوں کی طرح پنجاب سے بھی کارکنوں کی بہت بڑی تعداد گڑھی خدا بخش جائیگی۔
