گوجرانوالہ (نمائندہ خصوصی) غیرت کے نام پر بھائی نے سسرالیوں کیساتھ ملکر نو بیاہتا بہن کو زہر دیدیا، لڑکی کو تشویشناک حالت میں ڈی ایچ کیو ہسپتال منتقل کر دیا گیا، ملزم کو گرفتار کر لیا گیا۔ تفصیلات کے مطابق سول لائن کے علاقہ فتومنڈ میں غیرت کے نام پر بھائی سجاول نے سسرالیوں کے ساتھ مل کر بہن ثمینہ کو زہریلی گولیاں کھلا دیں جس سے اس کی حالت تشویشناک ہو گئی جسے سول ہسپتال منتقل کر دیا گیا جہاں اسے طبی امداد دی جارہی ہے۔ پولیس کے مطابق ثمینہ بی بی کی پانچ روز قبل ثاقب سے شادی ہوئی تھی جو میکے آئی اور واپس سسرال جا نے سے انکاری تھی۔ بھائی سجاول کو بہن کے کردار پر شک تھا جس پر اس نے سسرالیوں کے ساتھ ملکر ثمینہ کو زہر دے دیا ملزم کو حراست میں لیکر تحقیقات شروع کردی ہیں۔