واشنگٹن(این این آئی) کیڈٹ کالج لاڑکانہ کے طالبعلم احمد کو تیسرے کامیاب آپریشن کے بعد ہسپتال سے ڈسچارج کردیا گیا ہے۔ میڈیا رپورٹ کے مطابق امریکہ میں زیرعلاج تشدد کا شکاربننے والے کیڈٹ کالج لاڑکانہ کے طالب علم کا تیسرا آپریشن ہوا ہے جسے ڈاکٹروں نے کامیاب قرار دیا۔ آپریشن کے بعد احمد کوہسپتال سے چھٹی دے دی گئی جس کے بعد وہ اپنی عارضی قیام گاہ آگیا۔ احمد کے والد کا اس حوالے کہنا تھا کہ احمد کی سپیچ تھراپی، ایکو تھراپی اور فزیو تھراپی ہسپتال میں جاری رہی، احمد بہتری کی جانب گامزن ہے اور یہ سب قوم کی دعاﺅں کا نتیجہ ہے، اسے اٹھنے بیٹھنے میں مشکلات ہورہی ہیں، احمد کو مزید دو سے تین بار معائنے کےلئے ہسپتال جانا ہوگا، اس کےلئے ڈاکٹروں پر مشتمل میڈیکل بورڈ تشکیل دے دیا گیا ہے جو احمد کے امریکہ میں مزید علاج کے حوالے سے فیصلہ کرے گا۔
احمد کامیاب آپریشن