لاہور (اپنے نامہ نگار سے) لاہور ہائیکورٹ نے آٹھ ایڈیشنل سیشن ججز کے تبادلے کے احکامات جاری کر دیئے ہیں، رجسٹرار لاہور ہائیکورٹ خورشید رضوی کی طرف سے جاری مراسلے کے مطابق ایڈیشنل سیشن جج فرح ناز مرزا کو لاہور سے کھاریاں، اعجاز احمد کو پسرور سے لاہور، ایم نوید کو کھاریاں سے پتوکی، نعیم عباس کو احمد پور سیال سے چونیاں، ایم عمر کو چنیوٹ سے پتوکی، عامر حبیب کو چونیاں سے احمد پور سیال، ناصر حسین کو پتوکی سے چنیوٹ اور شوکت کمال کو پتوکی سے پسرور تعینات کیاگیاہے۔