اسلام آباد (خبر نگار خصوصی) قومی اسمبلی میں قائد حزب اختلاف خورشید شاہ نے ذوالفقار علی بھٹو کی برسی پر 4 اور 5 اپریل کو خصوصی پروازیں چلانے کا مطالبہ کردیا۔ اپوزیشن لیڈر نے چیئرمین پی آئی اے کو خط لکھا ہے جس میں مطالبہ کیا گیا ہے بھٹو کی برسی پر 4اور5 اپریل کو خصوصی پروازیں چلائی جائیں۔ خط میں مطالبہ کیا گیا ہے کہ خصوصی پرواز اسلام آباد سے سکھر براستہ لاہور 4 اپریل کی صبح دس بجے روانہ کی جائے، واپسی کیلئے خصوصی پرواز سکھر سے اسلام آباد براستہ لاہور 5 اپریل سہ پہر پانچ بجے چلائی جائے،کراچی سے سکھر خصوصی پرواز 4 اپریل صبح دس بجے روانہ کی جائے جبکہ واپسی کیلئے خصوصی پرواز سکھر سے کراچی 5 اپریل پانچ بجے چلانے کے انتظامات کئے جائیں۔