باربڈوس(سپورٹس ڈیسک) پاکستان سپر لیگ کے دوسرے ایڈیشن میں شاندار پر فارمنس دینے والے شاداب خان ویسٹ انڈیز کے خلاف پہلے ٹی ٹونٹی میں بھی فارم میں نظر آئے۔ شاداب خان نے ویسٹ انڈیز کے خلاف ڈیبیو میچ میں عمدہ با¶لنگ کرتے ہوئے عالمی ریکارڈ اپنے نام کر لیا۔ سپنر نے اپنے پہلے ہی اوور میں دو وکٹیں لینے کے ساتھ ساتھ چار اوورز کے کوٹے میں صرف سات رنز کے عوض تین وکٹیں حاصل کیں۔ شاداب نے اس شاندار کارکردگی کی بدولت ڈیبیو پر سب سے کم رنز دینے کا عالمی ریکارڈ اپنے نام کر لیا جو اس سے قبل کینیڈا کے بالر اسٹیون والش کے پاس تھا جنہوں نے نو سال قبل برمودا کے خلاف میچ میں چھ رنز کے عوض دو وکٹیں لے کر یہ کارنامہ انجام دیا تھا۔