لاہور (نمائندہ سپورٹس+ سپورٹس رپورٹر) ویسٹ انڈیزکےخلاف 7اپریل سے شروع ہونےوالی تین ون ڈے میچوں کی سیریز میں شرکت کیلئے لندن میں موجود فاسٹ بولر محمد عامر وہیں سے ویسٹ انڈیز پہنچیں گے جبکہ جنید خان اور فہیم اشرف لاہور سے اور آصف ذاکر ومحمد اصغر کراچی سے کیربیئن جزائر کیلئے ا±ڑان بھری۔ون ڈے سکواڈ میں شامل دیگر کرکٹرز ویسٹ انڈیز میں موجود ہیں۔سیریزکے اختتام پر سہیل تنویر، محمدنواز،رومان رئیس اور عثمان شنواری وطن واپس لوٹ آئیں گے۔ ویسٹ انڈیز کےخلاف ٹیسٹ سیریز کے سکواڈ کو حتمی شکل دینے کے لئے قومی سلیکشن کمیٹی نے مشاورت شروع کر دی ، ٹیم کا اعلان اگلے ہفتے کیا جا ئےگا۔ روانگی سے قبل ٹیسٹ سکواڈ میں شامل ہونے والے کھلاڑیوں کا کیمپ لاہور میں لگایا جا ئے گا۔ ذرائع کا کہنا ہے کہ ٹیسٹ سکواڈ میں شمولیت کے لئے شان مسعود ، عثمان صلاح الدین اور حسن علی مضبوط امید وار ہیں۔