راولپنڈی (اپنے سٹاف رپورٹر سے) ٹیپو روڈ پر فوجی ٹاور کے سامنے سٹی ٹریفک پولیس کا وارڈن گلے میں دھاتی ڈور پھرنے سے لہو لہان ہوگیا۔ ریسکیو1122 نے ٹریفک وارڈن حبیب کو مرہم پٹی کرکے طبی امداد فراہم کی۔ بدھ کو دن تین بجے موٹر سائیکل پر سوار وارڈن کے گلے میں پتنگ بازی کرنے والے کی دھاتی ڈور لپٹ گئی جس سے وہ گردن پر ڈور پھرنے سے گرگیا، ڈور سے گردن کی کھال کٹ گئی تاہم وارڈن کی شہہ رگ بال بال محفوظ رہی۔