جنوبی سوڈان کے آئل فیلڈ سے اغوا پاکستانی انجینئر ایاز جمالی کو رہا کرا لیا گیا
اسلام آباد (سٹاف رپورٹر) افریقی ملک جنوبی سوڈان کی آئل فیلڈ سے حکومت مخالف باغیوں کے ہاتھوں اغوا ہونے والے پاکستانی انجینئر ایاز جمالی کو بازیاب کرا لیا گیا۔ ایاز جمالی کا تعلق سندھ کے ضلع بدین سے ہے۔ دفتر خارجہ کے ترجمان نے بازیابی کی تصدیق کرتے ہوئے کہا کہ جنوبی سوڈان اور چین کی کوششوں سے ایاز خان جمالی کو بازیاب کرایا گیا۔
