جامشورو (آن لائن) کراچی سے پشاور جانے والی خوشحال خان خٹک ایکسپریس کی 3 بوگیوں میں آگ لگ گئی جس کے نتیجے میں 2 افراد زخمی ہو گئے۔ میڈیا رپورٹس کے مطابق خوشحال خان خٹک ایکسپریس کراچی سے پشاور جا رہی تھی کہ سیہون کے علاقے لعل باغ کے قریب پہنچی تواس کی 3 بوگیوں میں آگ بھڑک اٹھی۔ متاثرہ ٹرین ڈرائیور نے ٹرین کو روک کر متاثرہ بوگی کے تمام مسافروں کو اتار لیا تاہم آگ نے دیکھتے ہی دیکھتے تین بوگیوں کو اپنی لپیٹ میںلے لیا۔پولیس، رینجرز اور ریسکیو ٹیمیں موقع پر پہنچیں اور بوگیوں کو ٹرین سے علیحدہ کرنے کے کام کا آغاز کر دیا اور ساتھ ہی سیہون سے فائربریگیڈ کے عملے کو بھی طلب کر لیا گیا۔ ریلوے حکام کا کہنا ہے کہ خوشحال خان خٹک کی بوگی میں آتشزدگی شاٹ سرکٹ کے باعث ہوئی تاہم اس میں کسی بھی قسم کے جانی نقصان کی اطلاعات نہیں ہیںاور آگ پر قابو پا لیا گیا ہے۔