سابق وزیراعظم ذوالفقار علی بھٹو کی 38ویں برسی پرسوں منائی جائے گی
جہانیاں (آن لائن) پاکستان پیپلز پارٹی کے بانی چیئرمین و سابق وزیراعظم، قائد عوام شہید ذوالفقارعلی بھٹو کی 38ویں برسی پرسوں 4 اپریل کو منائی جائے گی۔ ملک بھر میں پیپلز پارٹی کے زیر انتظام تمام ڈویژنل، ضلعی، تحصیل اور سٹی دفاتر میں ذوالفقار علی بھٹو اور محترمہ بے نظیر بھٹو شہیدکی روح کے ایصال ثواب کیلئے قرآن خوانی اور اجتماعی فاتحہ خوانی کا اہتمام کیا جائے گا۔ برسی کے موقع پر ملک بھر کے تمام چھوٹے بڑے شہروںمیں سیمینارز، جلسے، جلوس، مذاکرے، مشاعرے اور دیگر تقریبات منعقد ہوں گی جس میں شہید ذوالفقار علی بھٹو کی جمہوریت اور ملک و قوم کیلئے خدمات پر تفصیل سے روشنی ڈالی جائے گی۔
