اسلام آباد ، کوئٹہ (نامہ نگار+ بیورو رپورٹ) قومی احتساب بیورو (نیب) میں اعلیٰ سطح پر تبادلوں و تعیناتیوں کا نوٹیفکیشن جاری کر دیا گیا ہے۔ ڈائریکٹر جنرل نیب سکھر محمد الطاف بوآنی کو ڈائریکٹر جنرل نیب کراچی، ڈائریکٹر جنرل چیئرمین سیکرٹریٹ ناصر اقبال کو ڈائریکٹر جنرل راولپنڈی ڈائریکٹر جنرل (آپریشن) نیب راولپنڈی عتیق الرحمن کو ڈائریکٹر جنرل (آپریشن) نیب بھکر تعینات کیا گیا ہے جبکہ ڈائریکٹر نیب سکھر فیاض احمد قریشی ڈائریکٹر جنرل نیب سکھر کے طور پر فرائض سرانجام دیں گے۔ ایڈیشنل ڈائریکٹر آپریشن ڈویژن عاصم لودھی اسی پے سکیل پر ڈائریکٹر چیئرمین سیکرٹریٹ کے طور پر فرائض سرانجام دیں گے۔ چیئرمین نیب قمر زمان چوہدری کی منظوری کے بعد یہ نوٹیفکیشن جاری کیا گیا ہے۔ ڈائریکٹر بین الاقوامی تعاون نیب ہیڈکوارٹر عرفان نعیم کو ڈی جی نیب کوئٹہ تعینات کردیا گیا ہے۔