لاہور(نمائندہ سپورٹس)قومی ٹیم ایشین انڈر 21 سنوکر چیمپئن شپ میں شرکت کیلئے آج براستہ واہگہ بھارت روانہ ہو گی۔ ایونٹ 8 سے 14 اپریل تک چندی گڑھ میں کھیلا جائے گا۔پاکستان بلیئرڈ اینڈ سنوکر ایسوسی ایشن کے مطابق ایونٹ کی تیاری کے سلسلے میں قومی کیوئسٹس کا تربیتی کیمپ لاہور میں زوروشور سے جاری ہے جو کہ گزشتہ روز اختتام پذیر ہو گیا ۔ کھلاڑیوں نے بھرپور پریکٹس کی ۔ ایونٹ میں محمد نسیم اختر، حارث اور محمد رفیق پاکستان کی نمائندگی کریں گے۔ بھارتی ہائی کمشن نے صرف سات دنوں کیلئے کیوئسٹس کو ویزے جاری کئے ہیں اسلئے ٹیم ٹورنامنٹ شروع ہونے سے ایک روز بعد بھارت روانہ ہو گی۔ ایشین فیڈریشن اور میزبان ملک کے مشکور ہیں جنہوں نے ہمارے کیوئسٹس کے میچز ری شیڈول کئے۔