ڈیوس کپ: تھائی لینڈ نے فلپائن کو ہرا دیا ‘ فائنل مقابلہ پاکستان سے ہوگا
لاہور(نمائندہ سپورٹس ) تھائی لینڈ نے فلپائن کو یکطرفہ مقابلے کے بعد شکست دے کرڈیوس کپ ایشیا اوشانا گروپ ٹو کے فائنل کیلئے کوالیفائی کرلیا ۔ گزشتہ روز کھیلے گئے سیمی فائنل میں تھائی لینڈ نے صفر کے مقابلے میں تین میچوں سے کامیابی حاصل کی ۔ دوسرے سیمی فائنل میں پاکستان اور ہانگ کانگ کے درمیان مقابلہ ہونا تھا ۔ ہانگ کانگ نے پاکستان میں کھیلنے سے انکار کر دیا تھا جس کے بعد انٹر نیشنل فیڈریشن نے پاکستان کو فاتح قرار دیدیا تھا ۔ پاکستان اور تھائی لینڈ کے درمیان ایشیا اوشیانا گروپ ٹو کا فائنل رواں سال ستمبر میں اسلام آباد میں کھیلا جائے گا۔ فاتح ٹیم ایشیا اوشیانا گروپ ون کیلئے کوالیفائی کر لے گی ۔ قبل ازیں کوارٹر فائنل میں پاکستان نے ایران کو شکست دی تھی ۔
