لاہور(نمائندہ سپورٹس) ویسٹ انڈیز کے خلاف پہلے ون ڈے میچ میں شکست پر رمیز راجہ بھی خود پر قابو نہیں رکھ سکے اور بابر اعظم کو تیسرے نمبر پر بیٹنگ نہ کروانے اور شاداب خان کو نچلے نمبر پر بھیجنے پر سوال اٹھا دیا ہے۔ رمیز راجہ نے ناقص منصوبہ بندی کو شکست کی وجہ قرار دیتے ہوئے کہا کہ ماضی کی عمدہ کارکردگی کو دیکھتے ہوئے بابر اعظم کو تیسرے نمبر پر ہی بلے بازی کروانی چاہئے ۔ شاداب خان میں عمدہ باولنگ کے علاوہ بیٹنگ کا بھی بہترین ٹیلنٹ موجود ہے اور وہ مستقبل میں ایک بہترین بلے باز بھی بن سکتا ہے اس لئے انہیں روک کر رکھنے کا کوئی جواز نہیں بنتا۔