بوریوالا (نامہ نگار) دربار پر حاضری کے بعد گھر واپس آنے والے میاں بیوی موٹرسائیکل سوار ٹرالر سے ٹکرا کر ٹرک کی زد میں آکر جاں بحق،10سالہ بیٹا شدید زخمی، نواحی آبادی مجاہد کالونی کا رہائشی محمد حنیف اپنی بیوی رقیہ بی بی اور 10سالہ بیٹے علی رضا کے ہمراہ دیوان صاحب دربار پر حاضری کے بعد موٹر سائیکل پر واپس گھر آ رہا تھا کہ چھٹا میل کے قریب اچانک سائیڈ سے نکلنے والے ایک تیز رفتار ٹرالر نے اُسے ٹکر مار دی جس سے موٹرسائیکل سوار پھسل کر سڑک پر گرتے ہی عقبی جانب سے آنے والے ٹرک کی زد میں بُری طرح کچلے گئے میاں بیوی موقع پر ہی جاں بحق ہو گئے جبکہ اُنکا 10سالہ بیٹا علی رضا معجزانہ طور پر دور جا گرا اور شدید زخمی ہو گیا جسے فوری طور پر تحصیل ہیڈ کوارٹر ہسپتال بورے والا داخل کروا دیا گیا ٹرالر کا ڈرائیور موقع سے فرار ہو گیا پولیس نے ٹرالر اور ٹرک قبضہ میں لیکر کارروائی شروع کر دی۔