پسرور (نامہ نگار) پسرور سیالکوٹ روڈ پر وائٹ سٹی کے سامنے ٹریکٹر ٹرالی نے موٹرسائیکل سواروں کو کچل دیا‘ حادثے میں موٹرسائیکل سوار 40 سالہ شاہد محمود اور اس کا 3 سالہ بچہ برہان موقع پر جاں بحق ہوگئے۔ شاہد کی بیوی شبانہ اور بیٹی نور زخمی ہو گئے۔ شاہد محمود اپنی بیوی اور بچوں کے ہمراہ موضع چک اسحاق سے موٹر سائیکل پر سیالکوٹ جا رہا تھا۔ ٹریکٹر ٹرالی سیالکوٹ سے پسرور کی طرف آ رہی تھی۔ ریسکیو1122کی ٹیم نے فوری طور پر نعشیں اور زخمیوں کو تحصیل ہیڈ کوارٹر ہسپتال پسرور پہنچایا جہاں زخمیوں کو طبی امداد دی جا رہی ہے۔ پولیس نے ٹریکٹر ٹرالی قبضہ میں لے کر ڈرائیور کی تلاش شروع کردی ہے۔