لاہور(لیڈی رپورٹر)صوبائی وزیر ہائر ایجوکیشن سید رضا علی گیلانی نے کہا ہے کہ ہم نصابی سرگرمیاں طالبعلموں کی صلاحیتیوں کو جلا بخشتی ہیں۔یہ بات انہوں نے گورنمنٹ اسلامیہ پوسٹ گریجویٹ کالج برائے خواتین کوپر روڈمیںوزیر اعلیٰ تقریری مقابلہ جات کی پوزیشن ہولڈر طالبات میں انعامات تقسیم کرنے کی تقریب سے خطاب کرتے ہوئے کہی۔انہوں نے انعام حاصل کرنے والی طالبات کو مبارکباد دیتے ہوئے کہا کہ وہ حصول تعلیم میں بہترین کارکردگی دکھاتے ہوئے پاکستان کو دنیا کی عظیم معاشی قوت بنانے میں اپنا کردار ادا کریں۔