گوجرانوالہ (نمائندہ خصوصی )ڈپٹی کمشنر گوجرانوالہ محمد عامر جان ضلع میں کھیلوں کے فروغ کے لیے ضلعی انتظامیہ ہر سطح پر سرپرستی اور سپورٹس ایسوسی ایشنزسے تعاون جاری رکھے گی۔ان خیالات کا اظہار انہو ںنے پہلے ڈپٹی کمشنرگوجرانوالہ ٹی 20 بلائنڈ گولڈ کرکٹ کپ کی اختتامی تقریب سے خطاب کرتے ہو ئے کیا۔تقریب میں چیئرمین پاکستان بلائنڈ کرکٹ سید سلطان شاہ، ندیم بٹ، حافظ مزمل اور دیگر شریک تھے۔پہلے ڈپٹی کمشنر گوجرانوالہ بلائنڈ گولڈ کرکٹ کپ میں پنجاب بھر سے 6ٹیموں نے شرکت کی جن میں گوجرانوالہ ، ملتان ، لاہور ، شیخوپورہ ، اوکاڑہ اور سرگودھا کی ٹیمیںشامل تھیں ۔ فائنل میچ میں گوجرانوالہ کی بلائنڈ کرکٹ ٹیم نے دلچسپ مقابلے کے بعد لاہور کی ٹیم کو شکست دی۔گوجرانوالہ بلائنڈ اسوسی ایشن کی طرف سے ٹورنامنٹ کی فاتح ٹیم (گوجرانوالہ بلائنڈ ز) کو ایک لاکھ روپے انعام ، فاتح ٹرافی اور کھلاڑیوں میںسرٹیفکیٹ اور فائنل میچ میں ہارنے والی لاہور کی ٹیم کو 50ہزار روپے انعام ، رنرز اپ ٹرافی اور کھلاڑیو ں کو سرٹیفکیٹس دیئے گئے۔