فیصل آباد ( نمائندہ خصوصی ) چناب چوک میں تیز رفتار کار کی ٹکر سے موٹرسائیکل پر بیٹھی خاتون کی گود سے ڈیڑھ ماہ کی بچی گر کر جاں بحق ہو گئی ‘ تین خواتین شدید زخمی ہو ئیں ‘ تفصیلات کے مطابق ایوب کالونی جھنگ روڈ کا رہائشی ساجد اپنی اہلیہ گوہر بی بی‘ ڈیڑھ ماہ کی بیٹی کائنات رشتہ داروں شمیم اور کنیز کے ہمراہ جا رہا تھا کہ پیچھے سے آنیوالی تیز رفتار کار کی نا معلوم ڈرائیور نے غفلت کا مظاہرہ کرتے ہوئے پیچھے سے ٹکر مار دی جس کے نتیجہ میں گوہر بی بی کی گود سے اس کی بیٹی کائنات گر گئی اور کار تلے آ کر جاں بحق ہو گئی جبکہ دیگر تینوں خواتین زخمی ہو گئیں ۔حادثہ کا مرتکب کا ڈرائیور فرار ہو گیا ‘ پولیس نے بچی کی نعش تحویل میں لے کر ضروری کارروائی کے بعد ورثاء کے حوالے کر دی اور ملزم کی تلاش شروع کر دی ہے ۔