لاہور(نامہ نگار) صوبائی دارالحکومت کے مختلف علاقوں میں ڈاکوئوں اور چوروں نے وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات، موبائل فون، گاڑیاں، موٹر سائیکلیں اور دیگر سامان لوٹ لیا ہے۔ تفصیلات کے مطابق ڈاکوؤں نیمصطفی آباد کے علاقہ میں ناصر کے گھر گھس کر اہلخانہ کو گن پوائنٹ پر یرغمال بنا کر8لاکھ روپے مالیت، وحدت کالونی کے علاقہ میں فیصل کے گھر سے 4لاکھ روپے مالیت، شادمان کے علاقہ میں جمشید کے گھر سے 3لاکھ روپے مالیت، گرین ٹائون میں بشیر کے گھر سے 2لاکھ روپے مالیت کی نقدی، طلائی زیورات، موبائل فون اور دیگر سامان، مناواں کے علاقہ میں اعجاز اور اس کی فیملی سے 3لاکھ روپے مالیت، باٹا پور میں رشید اور اس کی فیملی سے2 لاکھ روپے مالیت کی نقدی، طلائی زیورات اور موبائل فون، ماڈل ٹائون میں ندیم سے ڈیڑھ لاکھ روپے اور موبائل فون، سندر کے علاقہ میں بابر جمیل سے 80ہزار روپے اور موبائل فون، ٹاؤن شپ میں نصیب سے 23ہزارو روپے اور موبائل فون، کوٹ لکھپت میں منیر سے 13ہزار روپے اور موبائل فون لوٹ لیا ہے۔ چوروں نے لیاقت آباد میں ایک گھر سے 6 لاکھ روپے مالیت کی نقدی و سامان چوری کر لیا ہے ۔چوروں نے اچھر ہ میں سے احمد، نواب ٹائون میں عامر، ستو کتلہ میں سے اخلاق کی کاریں جبکہ رسول لائن میں سے مبین، شفیق آباد سے شاہد، گجر پورہ سے اشتیاق، گرین ٹائون سے سجاد، گارڈن ٹائون سے گوہر، فیکٹری ایریا سے ندیم کی موٹرسائیکلیں چوری کر لی ہیں۔