گوجرانوالہ(نمائندہ خصوصی ) دھاگہ بنانیوالی اور پلاسٹک کی دو مختلف فیکٹریو ں میں آگ لگنے سے قیمتی سامان جل کر خاکستر ہو گیا ، فائر فائیٹرز نے طویل جدو جہد کے بعد بھڑکتی آگ پر قابو پا لیا شاہین آباد میں دھاگہ بنانے والی فیکٹری میں شارٹ سرکٹ کے باعث آگ بھڑک اٹھی ، جس نے دیکھتے ہی دیکھتے پوری فیکٹری کو اپنی لپیٹ میں لے لیا ، آگ لگنے کے باعث قیمتی سامان جل کر خاکستر ہو گیا علاوہ ازیں گرجاکھ میں واقع نجی پلاسٹک فیکٹری میں اچانک آگ بھڑ ک اٹھی، جس کے باعث اس فیکٹری میں بھی پڑا قیمتی سامان جل گیا ، ریسکیو کے فائر فائیٹرز نے طویل جدو جہد کے بعد فیکٹریوں میں لگنے والی آگ پر قابو پا لیا ۔