کوئٹہ: مٹی کا تودہ گرنے سے 2 مزدور جاں بحق، 2 سگے بھائی زخمی
کوئٹہ(بیورو رپورٹ) پنجگور سرسانڈ چڑھائی کے قریب مٹی کا تودہ گرنے سے دو مزدور جاں بحق جبکہ دو زخمی ہوگئے۔ تفصیلات کے مطابق پنجگور شہر سے 15کلومیٹر دور سرسانڈ چڑھائی کے قریب مٹی کا تودہ گرنے سے چار مزدور جلیل، نظام عطاءاللہ اور احمد نیچے دب گئے جس سے جلیل اور نظام موقع پر جان بحق ہوگئے جبکہ عطاءاللہ اور احمد دونوں جو سگے بھائی بتائے جاتے ہیں زخمی ہوگئے لیویز ذرائع کے مطابق حادثے کے شکار افراد گاڑی میں مٹی لوڈ کررہے تھے کہ اسی اثنا میں مٹی کا تودہ ان پر آگرا حادثے کی اطلاع ملتے ہی سکیورٹی اداروں نے جان بحق افراد اور زخمیوں کو ڈی ایچ کیو ہسپتال پہنچایا جہاں ضروری کارروائی کے بعد نعشیں ورثا کے حوالے کردیں اور زخمیوں کو ہسپتال میں طبی امداد دی جارہی ہے۔
