گوجرانوالہ (نمائندہ خصوصی ) کوڑے کے ڈھیر سے لڑکی کی تشدد زدہ نعش برآمد ہوئی ہے منتقل کر دی۔ بتایا جاتا ہے شیخوپورہ موڑ منی سٹیڈیم کے قریب کوڑے کے ڈھیر پر جواں سالہ نامعلوم لڑکی کی نعش پڑی تھی جسے دیکھ کر مکینوں نے پولیس کو آگاہ کیا۔ واقعہ کی اطلاع پا کر موقع پر پہنچنے والی سبزی منڈی پولیس نے نعش کو ضروری کارروائی کیلئے ڈسٹرکٹ ہسپتال منتقل کر دیا۔ عینی شاہدین کے مطابق مقتولہ کے جسم پر تشدد کے واضح نشانات تھے۔ شبہ ظاہر کیا جا رہا ہے کہ لڑکی کو زیادتی کے بعد تشدد کر کے قتل کیا گیا۔ پولیس کا کہنا ہے کہ اصل حقائق پوسٹ مارٹم رپورٹ آنے کے بعد ہی سامنے آسکیں گے تاحال مقتولہ کی شناخت نہیں ہو سکی۔ نامعلوم لڑکی کی نعش برآمد ہونے پر علاقہ بھر میں خوف طاری ہے۔