ڈکیتی مزاحمت پر نوجوان زخمی، گجر پورہ، ہربنس پورہ اور مغل پورہ میں لاکھوں کے ڈاکے
لاہور (نامہ نگار) صوبائی دارالحکومت کے مختلف علاقوں میں ڈاکوئوں اور چوروں نے وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات، موبائل فون، گاڑیاں، موٹر سائیکلیں اور دیگر سامان لوٹ لیا جبکہ فائرنگ کر کے ایک نوجوان کو زخمی کر دیا ہے۔ تفصیلات کے مطابق ہربنس پورہ کے علاقہ میں ڈاکوؤں نے عاشق کے گھر داخل ہو کر 5لاکھ روپے مالیت کی نقدی وزیورات لوٹ لئے جبکہ ڈاکوؤں نے فائرنگ کرکے عاشق کے30سالہ بیٹے آصف کو شدید زخمی کر دیا اور فرار ہو گئے۔ زخمی آصف کو طبی امداد کے لئے سروسز ہسپتال داخل کرا دیا گیا ہے۔ ڈاکوؤںنے گجر پورہ میں تنویرکے گھر گھس کر اہلخانہ کو گن پوائنٹ پر یرغمال بنا کرساڑھے7 لاکھ روپے مالیت، سندر میں رؤف کے گھر میں اہلخانہ کو رسیوں سے باندھ کر5 لاکھ روپے مالیت کی نقدی، طلائی زیورات، موبائل فون اور دیگر سامان ، لوہاری میں امتیاز اور اسکی فیملی سے 4 لاکھ روپے مالیت، مغلپورہ میں عمران اور اس کی فیملی سے 7لاکھ روپے مالیت، گڑھی شاہ کے علاقہ میں ادریس اور اس کی فیملی سے 6لاکھ روپے مالیت ،نصیر آباد میں وحید کی فیملی سے 5 لاکھ روپے مالیت، سمن آباد میں اختر اور اس کی فیملی سے 4لاکھ روپے مالیت ،شاہدرہ میں خالد اور اس کی فیملی سے 3 لاکھ 15ہزار روپے مالیت، اقبال ٹائون میں ریاض اور اسکی فیملی سے ایک لاکھ 60ہزارروپے مالیت کی نقدی، طلائی زیورات اورموبائل فون،نیوانارکلی میں شاہد سے 4لاکھ45ہزار روپے اور 2موبائل فون، لوئر مال میں شہزاد سے3لاکھ روپے ، مغلپو رہ میں امدادسے3 لاکھ روپے، ستوکتلہ میںاجمل اور اس کے دوست سے 2لاکھ روپے اور موبائل فون، ٹائون شپ میں اختر سے ایک لاکھ روپے ،نواں کوٹ میں عمران سے 80ہزار روپے اور موبائل فون، برکی میں ندیم سے مو ٹرسائیکل اور ہزاروں روپے نقدی لوٹ لی ہے۔ چوروں نے شمالی چھائونی میں سے فرید ، مصطفی آباد سے نوازش کی گاڑیاں جبکہ نواب ٹائون سے راشد اور آصف، وحدت کالونی میں صداقت،جنوبی چھائونی میں وسیم،گجر پو رہ میں صفدر،داتا دربار میں امین ،ہنجروال میں اسلم،مصطفی آباد میںسے محمد علی کی مو ٹرسائیکلیں چوری کر لی ہیں۔
